Die volgende skuif is julle s'n...
Ons Laerskool het Vrydag, 22 Julie, uitgehaal en gewys. Hulle gees en entoesiasme vir die Interskole skaak kon nie weggesteek word nie. Hulle het Gimnasium ingelei tot die Girls' High manier van dinge doen toe hulle hul met selfs koninginne verwelkom het. Dit is die eerste keer in 'n hele aantal jare wat Girls' High weer die laerskool interskole skaak aangebied het en ons het dit met styl gedoen.
Dit was grotendeels vir ons spelers 'n kans om te groei en ontwikkel in hul skaak vernuf. Die A-span het gelykop gespeel met drie wenne elk, maar ons B-span het ongelukkig verloor. Ag, natuurlik as jy nog klein is en vir jou opponent oor 'n swart-en-wit bord moet loer, voel jy geïntimideerd en bang dat jy sal verloor. As dit wel gebeur is jou hartjie, maar so bietjie seer. Gelukkig is troos naby in die drukkies van 'n maatjie of Mevrou Van Zyl wat haar oor al haar kinders ontferm.
Wen of verloor, sê Mevrou Annalize Strangfeld is sy baie trots op haar spelertjies. Hoewel sommige hulle wedstrydjies verloor het, het hulle hul opponente deurgaans deur die wedstryde aan die dink gehou. Sy voel haar spelers het baie ontwikkel en is goed oppad om iewers in die toekoms 'n uithaler spannetjie te word.
Comments