Ek het ‘n informant op voetsoolvlak gevra oor wat gister bo by die Astro gebeur het. Ek het niks vermoedend na my klas gestap en ‘n klas daar verwag. Ek het gehoor hoe word daar van bo gesing: "I love my school." Dit het soos iets vars van Wembley stadion geklink.
My informant het my igelig dat die woord stilletjies versprei is: “Ons kom na pouse by die Astro se pawiljoen bymekaar. Versprei die woord, maar moenie dat die onderwysers julle hoor nie.”
Die onderwysers het niks vermoedend in die personeelkamer gesit en knibbel aan die oorblyfsels van een of ander funksie (dit is natuurlik al wat onderwysers doen as die leerders hulle nie sien nie). Aan die einde van pouse was daar niemand in hul klasse nie. ‘n Paar onderwysers het vies reaggeer: “Waar is die leerders nou?” Iewers in hul agterkop het ‘n vae herinnering teruggekom van iets wat nie baie in die laaste drie jaar gebeur het nie - MASSABANK!!
Dr. Taylor is ingelig oor die opruiendheid en dat sy iets daaraan moet doen. Sy het aan die voet van die bult na die boonste sportvelde gestaan en seker gedink wat sy met die dogtertjies gaan doen as sy daarbo kom…
Ek het intussen ook al nader gekom aan die aksie, net om te sien hoekom die leerders so sing. Dr. Taylor se aankoms was stadig, maar gesaghebbend. Die leerders het haar gewaar en ‘n wilde gil het losgebars, dit was soos die Rooi See wat oopgemaak het met leerders wat na al kante toe gehardloop het. ‘n Paar leerders het nog bly staan en sing en aan Dr Taylor die mag van Girls High magic gewys.
‘n Mens sou kon sê dat die leerders wat bly staan het, was braaf, want ek weet ook nie of ek ‘n Dr. Taylor wat al die pad by die bult opgestap het, sou aangevat het nie. Tog, reken ek dat dit tog ‘n bietjie lekker was “to stick it to the system”.
Na die dogters hul staan gestaan het, het hulle uit vryewil weer verdaag en na hulle klasse gegaan. By ander skole sou hulle dalk iemand se kar op ‘n dak gesit het, maar by HMS lyk dit my het die leerders genoeg respek om nie die oues van dae nie te veel te martel nie. Hulle wil jou net laat weet: Hulle kan as hulle wil!
Neem deel en gee jou opinie (klik om te voltooi): Opinion Poll
Comments